കവിത.
എന്റെ ഗ്രാമം
മനസ്സു കുതിക്കുന്നൂ,വപുസ്സെക്കാളുമ്മുന്നേ
ഓർമ്മകളുറങ്ങുമെൻ കൊച്ചുഗ്രാമത്തിലെത്താൻ
വയലിൻ വരമ്പിലെ കയ്യൂന്നി,കറുകയും
കാലടികളിൽ മന്ദമിക്കിളികൂട്ടീടുമോ
ചാമിയും ചിരുതയും നീലിയുംകളപറി-
ച്ചാവരമ്പാകെ ചെളിയാക്കാതെയിരുന്നെങ്കിൽ
കൈത്തോട്ടിൻ കരയിലെ കൈതോല
കൂർത്തകൈനഖം കൊണ്ടു നുള്ളിനോവിച്ചേക്കുമോ?
പാടത്തെപ്പച്ചപ്പിന്റെ തിരകൾ കുതൂഹലാൽ
ഓടിവന്നെന്നെപ്പുൽകി സ്വാഗതമരുളീടും.
എത്തിഞാനെന്റെ നാട്ടിൽ ഇറങ്ങി സ്റ്റോപ്പിൻ മുന്നേ
ഇത്തിരി നടന്നീടാം കാണട്ടെയെല്ലാം വീണ്ടും
വയലിൻ വരമ്പയ്യോ പെരിയ വഴിയല്ലോ
സിമന്റും കല്ലും മണ്ണും കമ്പിയുമെങ്ങുംകാണ്മൂ.
യന്ത്രത്തിന്നലർച്ചയോ കാതുകളടപ്പിച്ചൂ
പാടങ്ങൾ പടുകൂറ്റൻ ഫ്ലാറ്റിതിന്നസ്ഥികൂടം
ഇപ്പൊഴും സ്വബോധമറ്റെന്താവോ പിറുപിറു-
ത്താകുഞ്ഞി(?)മകളാണോ(?)അലഞ്ഞുനടക്കുന്നു.
മൂക്കത്തു വിരൽ വച്ചിട്ടമ്പരന്നു ഞാൻ നിൽകെ
ഉള്ളിലെക്കിളിയിരുന്നിങ്ങനെ കുറുകുന്നൂ
“ സൌഭഗം വെടിഞ്ഞേറെസൌകര്യം തേടിപ്പോയോർ-
ക്കെന്തവകാശമുണ്ടീ ഗ്രാമത്തെപ്പഴിക്കുവാൻ. “
എന്റെ ഗ്രാമം
മനസ്സു കുതിക്കുന്നൂ,വപുസ്സെക്കാളുമ്മുന്നേ
ഓർമ്മകളുറങ്ങുമെൻ കൊച്ചുഗ്രാമത്തിലെത്താൻ
വയലിൻ വരമ്പിലെ കയ്യൂന്നി,കറുകയും
കാലടികളിൽ മന്ദമിക്കിളികൂട്ടീടുമോ
ചാമിയും ചിരുതയും നീലിയുംകളപറി-
ച്ചാവരമ്പാകെ ചെളിയാക്കാതെയിരുന്നെങ്കിൽ
കൈത്തോട്ടിൻ കരയിലെ കൈതോല
കൂർത്തകൈനഖം കൊണ്ടു നുള്ളിനോവിച്ചേക്കുമോ?
പാടത്തെപ്പച്ചപ്പിന്റെ തിരകൾ കുതൂഹലാൽ
ഓടിവന്നെന്നെപ്പുൽകി സ്വാഗതമരുളീടും.
എത്തിഞാനെന്റെ നാട്ടിൽ ഇറങ്ങി സ്റ്റോപ്പിൻ മുന്നേ
ഇത്തിരി നടന്നീടാം കാണട്ടെയെല്ലാം വീണ്ടും
വയലിൻ വരമ്പയ്യോ പെരിയ വഴിയല്ലോ
സിമന്റും കല്ലും മണ്ണും കമ്പിയുമെങ്ങുംകാണ്മൂ.
യന്ത്രത്തിന്നലർച്ചയോ കാതുകളടപ്പിച്ചൂ
പാടങ്ങൾ പടുകൂറ്റൻ ഫ്ലാറ്റിതിന്നസ്ഥികൂടം
ഇപ്പൊഴും സ്വബോധമറ്റെന്താവോ പിറുപിറു-
ത്താകുഞ്ഞി(?)മകളാണോ(?)അലഞ്ഞുനടക്കുന്നു.
മൂക്കത്തു വിരൽ വച്ചിട്ടമ്പരന്നു ഞാൻ നിൽകെ
ഉള്ളിലെക്കിളിയിരുന്നിങ്ങനെ കുറുകുന്നൂ
“ സൌഭഗം വെടിഞ്ഞേറെസൌകര്യം തേടിപ്പോയോർ-
ക്കെന്തവകാശമുണ്ടീ ഗ്രാമത്തെപ്പഴിക്കുവാൻ. “
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ