മഴ

മഴ മഴ 

കാലം തെറ്റിപ്പെയ്യും പെരുമഴ 

മഴയങ്ങാർത്തു തിമിർക്കുന്നു 

ചീറിയടിക്കും കാറ്റിനെ നേർക്കാൻ 

ചില്ലയൊടിച്ചും തലകളറഞ്ഞും ഇലകളെറിഞ്ഞും പഴുതേ 

മാമരമങ്ങനെയിങ്ങനെ തുള്ളുന്നൂ 

അതുവഴിയിതുവഴി പാഞ്ഞൊഴുകിപ്പുഴ 

കടലിൽചേരാൻ വെമ്പുന്നൂ 

മലയും കാടും നാടും വീടും 

കൂടെച്ചേരാനായുന്നൂ 

കലിതുള്ളും കടലലകളിളക്കി -

കാരണം കുത്തിച്ചാടിക്കൂവി -

ക്കരയെയടിച്ചു തകർക്കുന്നൂ 

മുങ്ങിത്താഴും പ്രാണൻ പിടയു -

ന്നലമുറയെങ്ങും പൊങ്ങുന്നൂ