ഓണം

 ഓണം പലകുറി വന്നുപോയി

ഓണത്തിന്നോർമ്മ പലതുമായി 

ഓണക്കളികളും പാട്ടുമായി

ഓർമ്മപ്പെരുമകൾ കാതിലെത്തി 

ഓണങ്ങൾ പിന്നെയും വന്നുപോകെ

ഓണത്തിനാഹ്ലാദം പങ്കുവച്ചോർ

ഓർമ്മതന്നോളപ്പരപ്പുകളി-

ലോരോന്നായെങ്ങോകൊഴിഞ്ഞു വീണു 

ഓണപ്പഴമകൾ പാടിപ്പാടി

ഓർമ്മകളോരോന്നായവിറക്കി 

ഓരോ പഴമക്കാരൊത്തുകൂടി 

ഓണപ്പഴമയിലഭിരമിപ്പൂ  

ഓണപ്പുതുമകളേറ്റു വാങ്ങി

ഓണം പുതുമക്കാർ തോളിലേറ്റി

ഓണം പുതുക്കിമിനുക്കിടുന്നോർ

ഓണത്തിൻ നേരവകാശികളായ് 

ഓണമീണ്ണിൽ നിറഞ്ഞു നിൽക്കും

ഓരോരോ കാലഗതികൾ പോലെ

ഓണപ്പഴമ പഴമതന്നെ

ഓണപ്പുതുമകളോണമായി

ഓണമിന്നോരോമനസ്സിലുമ

ങ്ങാഘോഷപ്പെരുമ്പറ കൊട്ടിടട്ടെ.